Свабодныя праграмы, Свабоднае праграмнае забеспячэнне; (паводле азначэння Фонду свабоднага праграмнага забеспячэння) праграмнае забеспячэнне, якое можна выкарыстоўваць, капіраваць, вывучаць, змяняць і распаўсюджваць без абмежаванняў. Цэнтральнае месца ў канцэпцыі свабодных праграм займае свабода зыходнага кода, у адрозненне ад бясплатных праграм, якія маюць закрыты зыходны код. Звычайна свабодныя праграмы распаўсюджваюцца згодна з умовамі свабоднае ліцэнзіі, а іх зыходны код застаецца адкрытым для ўсіх (калі для праграмы патрэбна кампіляцыя).