Саюз кінематаграфістаў СССР — грамадская творчая арганізацыя, якая аб’ядноўвала дзеячаў савецкага кінематографа.
Саюз быў створаны ў лістападзе 1965 года на Устаноўчым з’ездзе кінематаграфістаў СССР (аргкамітэт Саюза быў заснаваны ў 1957 годзе).
Вышэйшы кіруючы орган — з’езд, які склікаўся раз у пяць гадоў. Выканаўчы орган — праўленне.
Узнагароджаны ордэнам Леніна (1971).
У чэрвені 1990 года рашэннем VI з’езда пераўтвораны ў Федэрацыю Саюзаў кінематаграфістаў СССР. Старшыня — Даўлатназар Худаназараў.
У маі 1991 года Федэрацыя СК СССР рэарганізавана ў Канфедэрацыю Саюзаў кінематаграфістаў.