Санталі — адна з афіцыйных моў Індыі, некаторая колькасць носьбітаў ёсць таксама ў Бангладэшы, Непале і Бутане. На ёй размаўляюць санталы.
Адносіцца да галіны мунда аўстраазіяцкіх моў, разам з вельмі блізкімі мовамі мундары і хо, і шэрагам іншых малых моў ўтварае падгрупу кхервары, а яна, у сваю чаргу, разам з мовай корку аб’ядноўваецца ў адну з дзвюх галоўных галін мунда — паўночныя мунда мовы.