У Вікіпедыі ёсць артыкулы пра іншых асоб з прозвішчам Асновіч.
Самуіл Пятровіч Асновіч (нар. 1920) — беларускі скрыпач
, канцэртмайстар, заслужаны артыст БССР (1961). Удзельнік Вялікай Айчыннай вайны[1].
У 1941 годзе С. П. Асновіч скончыў Беларускую кансерваторыю. У 1937-41 гадах ён саліст, а з 1945 — канцэртмайстар Дзяржаўнага акадэмічнага сімфанічнага аркестра Беларусі[1]. Акрамя таго, з 1948 года Асновіч выкладаў у школе пры кансерваторыі. У складзе струннага квартэта Беларускай філармоніі С. П. Асновіч гастраляваў па Беларусі і Літве, выступаў як саліст. Яго праграма была насычана творамі беларускіх кампазітараў[1].
Асновіч узнагароджаны Ордэнам Чырвонай Зоркі, медалямі[1].