У Вікіпедыі ёсць артыкулы пра іншых асоб з прозвішчам Літвінава. Рэната Муратаўна Літвінава (12 студзеня 1967, Масква) — расійская актрыса , рэжысёр, сцэнарыст і тэлевядучая. Заслужаная артыстка РФ (2003), лаўрэат Дзяржаўнай прэміі Расіі (2001).
Рэната Літвінава нарадзілася ў Маскве ў сям’і лекараў.
У 1984 Рэната паступіла на сцэнарны факультэт УДІКа. Вучылася на адным курсе з Раманам Качанавым і Аркадзем Высоцкім.
Як актрыса дэбютавала ў фільме Кіры Муратавай «Захапленні» ў 1994, як рэжысёр — у фільме «Няма смерці для мяне». Усенародная вядомасць прыйшла да яе пасля здымкі ў серыяле «Мяжа. Тайговы раман» і тэлевізійных праектаў на НТБ і Муз-ТБ.
З 2005 па 2011 год зняла некалькі музычных кліпаў спявачцы Земфіры.
У 2007 г. выдавецтвы «Амфара» і «Сеанс» ў серыі «Бібліятэка кінадраматурга» выпусцілі кнігу «Валодаць і належаць», у якую ўвайшлі навэлы і кінасцэнарыі.
У 2008 г. у пракат выйшаў паўнаметражны дакументальны фільм Літвінавай «Зялёны тэатр у Земфіры».