Старажытнаегіпецкая рэлігія — рэлігійныя вераванні і рытуалы, практыка ў Старажытным Егіпце, пачынаючы з дадынастычнага перыяду(руск.) бел. і да прыняцця хрысціянства. За сваю шматтысячагадовую гісторыю старажытнаегіпецкая рэлігія прайшла праз розныя этапы развіцця: ад Старажытнага, Сярэдняга і Новага царстваў да позняга і грэка-рымскага перыяду.
У Старажытным Егіпце існавала падабенства адной агульнай рэлігіі, а таксама была вялікая разнастайнасць мясцовых культаў, прысвечаных пэўным божаствам. Большасць з іх мела генатэістычны(руск.) бел. характар (засяроджанасць на глыбокай пашане аднаму бажаству з адначасовым прызнаннем іншых божастваў) і таму егіпецкая рэлігія разглядаецца як політэістычная[1]. Праіснаваў таксама нядоўга культ атанізму(руск.) бел., які можна разглядаць як монатэістычны. Некаторыя егіптолагі сцвярджаюць, што ў Старажытным Егіпце здаўна існавалі монатэістычныя тэндэнцыі[2][3].