У Вікіпедыі ёсць артыкулы пра іншых асоб з прозвішчам Рак. Рыгор Пракопавіч Рак (8 (20) студзеня 1893, вёска Дукарка (цяпер вёска Дукора) Пухавіцкі раён, Мінская вобласць — 10 лістапада 1938, Мінск, турма НКВД) — беларускі эканаміст, краязнавец, педагог. Уваходзіў у Беларускую камуністычную арганізацыю (1920).
З беларускай сялянскай сям’і. Пасля заканчэння ў 1913 годзе Нясвіжскай настаўніцкай семінарыі працаваў у школе в. Крынкі Рэчыцкага павета Мінскай губ. У 1915—1917 годзе ў арміі. Вучыўся ў Мінскім настаўніцкім інстытуце (з 1918 год), скончыў БДУ (пач. 1930-х г.). Уваходзіў у Беларускую камуністычную арганізацыю (1920 год). У розны час працаваў у кааператыўных арганізацыях, Цэнтрабелсаюзе, школах Мінска. У 1926—1937 гг. — у Інстытуце эканомікі БелАН, вывучаў народныя рамяства і саматужныя промыслы, эканамічны стан рэгіёнаў БССР. Удзельнічаў у краязнаўчым руху, быў сакратаром камісіі па хатніх рамёствах пры Інбелкульце.
5 лютага 1938 года быў беспадстаўна арыштаваны як удзельнік «контррэвалюцыйнай арганізацыі» і 1.11.1938 г. прыгавораны да вышэйшай меры пакарання. Прыгавор прыведзены ў выкананне 10 лістапада 1938 г. Расстраляны ў Мінску. Рэабілітаваны ў 1956 г.