У Вікіпедыі ёсць артыкулы пра іншых асоб з прозвішчам Ігнаценка. Рыгор Канстанцінавіч Ігнаценка (нар. 20 лістапада 1930, вёска Вусаўка, Касцюковіцкі раён, Магілёўская вобласць) — беларускі пісьменнік.
Выхоўваўся ў дзіцячым доме. З 1946 па 1948 г. вучыўся ў рамесным вучылішчы № 10 горада Магілёва, потым з 1948 па 1951 г. працаваў слесарам. Вучыўся завочна ў Мінску на рэспубліканскіх курсах кіраўнікоў мастацкай самадзейнасці раённых дамоў культуры. З 1957 г. па 1988 г. працаваў настаўнікам музыкі ў Паплаўскай сярэдняй школе. У 1980 г. завочна закончыў Народны ўніверсітэт мастацтваў у Маскве.
Друкавацца пачаў з 1961 г. У 1964 г. у выдавецтве «Беларусь» выйшаў першы зборнік апавяданняў «Лясныя тынкоўшчыкі». Галоўная тэма творчасці пісьменніка — чалавек і прырода. Яго творы прысвечаны дзецям, напісаны лаканічна, паэтычна і займальна.