У гэтага паняцця ёсць і іншыя значэнні, гл. Рыа-Грандэ (значэнні).
Рыа-Грандэ (ісп.: Rio Grande), Рыа-Брава-дэль-Нортэ (ісп.: Río Bravo del Norte) — рака ў ЗША і Мексіцы (на працягу каля 2 тыс.км утварае мяжу паміж імі).
Даўжыня 2870 км. Вадазбор 570 тыс. км². Сярэднегадавы расход вады ў вусці 15-20 тыс. м³/сек. Пачынаецца ў гарах Сан-Хуан (сістэма Скалістых гор), цячэ пераважна па засушлівых плато, месцамі ў вузкіх каньёнах, упадае ў Мексіканскі заліў. Буйны прыток Пекас (злева). Буйныя вадасховішчы Элефант-Б’ют і Фалькон. Сяднаходная на асобных участках. На Рыа-Грандэ — гарады Альбукерке, Эль-Паса, Ларэда (ЗША), Сьюдад-Хуарэс, Нуэва-Ларэда (Мексіка).