Руслан Эдвардавіч Якубцэвіч (нар. 23 снежня 1977, Астравец, Гродзенская вобласць) — беларускі ўрач-анестэзіёлаг-рэаніматолаг. Доктар медыцынскіх навук (2018).
Скончыў Гродзенскі дзяржаўны медыцынскі ўніверсітэт (2000).
Працаваў у Гродзенскай абласной клінічнай бальніцы (з 2000, урач-анестэзіёлаг-рэаніматолаг, з 2004 — загадчык аддзялення гемадыялізу з экстракарпаральнымі метадамі дэтаксікацыі), Гродзенскім дзяржаўным медыцынскім універсітэце (з 2001, лячэбны факультэт, кафедра анестэзіялогіі і рэаніматалогіі, дацэнт, з 2015 — загадчык кафедры).
Навуковыя інтарэсы: сепсіс; метады экстракарпаральнай дэтаксікацыі.
Грамата Савета Міністраў Рэспублікі Беларусь (2008), знак «Выдатнік аховы здароўя Рэспублікі Беларусь» (2015).