У Вікіпедыі ёсць артыкулы пра іншых асоб з прозвішчам Цупрык.
Роберт-Усевалад Цупрык (26 верасня 1954 — 24 лютага 2021) — беларускі грамадскі дзеяч. Старшыня Беларускага кангрэсавага камітэта Амерыкі (2001—2021).
Нарадзіўся 26 верасня 1954 года ў Саўт-Рыверы (ЗША) ў сям’і Янкі Цупрыка і актрысы тэатра Ірэны Жылінскай. Пераняў ад бацькоў беларускую нацыянальную свядомасць, мову, а таксама рэлігійны светапогляд.
У 1976 годзе скончыў Ратгерскі ўніверсітэт. Працаваў у бібліятэцы Медыцынска-дантыстычнага штатнага ўніверсітэта. Браў удзел у моладзевым руху. Браў актыўны ўдзел у жыцці парафіі Св. Еўфрасінні Полацкай. Ездзіў у Беларусь з медыцынскай дапамогай ахвярам Чарнобыльскай катастрофы.
У 1990 годзе быў абраны на пасаду старшыні Беларускага кангрэсавага камітэту Амерыкі. Дзясяткі гадоў быў у гушчы палітычнага, культурніцкага і царкоўнага жыцця.
Памёр 24 лютага 2021 года пасля зацяжной хваробы на рак. Пахаваны на Беларускіх могілках ў Саўт-Рыверы