Рапу́са — рака ў Дзяржынскім раёне Мінскай вобласці Беларусі, левы прыток ракі Уса (басейн Нёмана).
Даўжыня ракі 13 км. Плошча вадазбору 54 км². Сярэдні нахіл воднай паверхні 1,4 м/км. Выток ракі знаходзіцца каля аграгарадка Забалацце[2] (у напрамку на паўднёвы захад ад вёскі Янавічы[3]). Упадае ва Усу ў напрамку на захад ад вёсак Станькава і Каменка. Вадазбор узгорысты[2]. Рэчышча каналізаванае ў ніжнім цячэнні[2]. У межах вёскі Станькава на рацэ сажалка.