У Вікіпедыі ёсць артыкулы пра іншых асоб з прозвішчам Нараян.
Рам Нараян (хіндзі: राम नारायण — Rām Nārāyaṇ, нар. 25 снежня 1927, Удайпур) — індыйскі музыкант, грае на індыйскім народным інструменце сарангі.
Нараян навучыўся граць на сарангі ў дзяцінстве. У 1944 годзе пачаў акампаніраваць спевакам на Усеіндыйскам радыё, аднак хутка пачаў спрабаваць стаць самастойным музыкантам. У 1956 годзе Нараян пачаў сольную кар’еру, у 1960-я гады пачаў паспяхова выступаць з канцэртамі за межамі Індыі і дзякуючы папулярнасці індыйскай культуры на Захадзе зрабіўся вядомым музыкантам.
У творчасці Нараяна пераважаюць традыцыйныя для індыйскай музыкі матывы. За свой унёсак у папулярызацыю гэтага інструмента і наогул індыйскай музыкі Нараян атрымаў ганаровы тытул «Пандыт» — вучоны брахман, а таксама другую вышэйшую ўзнагароду Індыі, Падма Вібхушан.