Раман Фёдаравіч Кобрынскі (? — пасля 1417) — князь.
Сын Фёдара Альгердавіча Ратненскага. Упамінаецца ў дакументах з 1387 года. У 1393 годзе ўзначальваў войска наўгародцаў у паходах на ўладанні вялікага князя маскоўскага Васіля I, у 1394 — пад Пскоў. У 1404 годзе вялікі князь Вітаўт выдаў Раману Фёдаравічу грамату на валоданне Кобрынам і навакольнымі маёнткамі (Грушава, Несухаіжы, Міланавічы і інш.), што магло быць пацвярджэннем правоў на дзедзічныя ўладанні. У 1411—1417 гадах Раман Фёдаравіч пры двары польскага караля Ягайлы.