Рамана Продзі (італ.: Romano Prodi, 9 жніўня 1939, Скандзьяна) — італьянскі левацэнтрысцкі палітык, прэм’ер-міністр (1996—1998, з мая 2006-студзень 2008). Паміж двума прэм’ерствамі быў прэзідэнтам Еўракамісіі (1999—2004).
Рамана Продзі нарадзіўся 9 жніўня 1939 г ў горадзе Скандзьяна ў італьянскай правінцыі Рэджа-Эмілія. Вывучаў права ў міланскім каталіцкім універсітэце Святога Сэрца, які скончыў з адзнакай ў 1961 годзе. У 1963 годзе Продзі пачаў у Універсітэце Балоніі выкладчыцкую кар’еру.
У лютым 1995 года Продзі заснаваў левацэнтрысцкай кааліцыю l’Ulivo («Аліва») і зрабіўся яе кандыдатам на пасаду прэм’ер-міністра. На выбарах 1996 года l’Ulivo атрымала перамогу над правацэнтрысты на чале з Сільвіа Берлусконі — галоўным супернікам і свайго роду палітычным антыподам Продзі. З 17 мая 1996 года да 21 кастрычніка 1998 г. Продзі узначальваў першы ў гісторыі пасляваеннай Італіі ўрад левага кірунку.