wd wp Пошук: ⬜

Раланд

Рала́нд, ці Ро́ланд (Roland; ? — 15.8.778) — маркграф, прэфект Брэтонскай маркі.

У час іспанскага паходу Карла Вялікага ў 778 камандаваў атрадам брэтонцаў. Вызначыўся ў баі з баскамі ў Рансевальскай цясніне; загінуў, прыкрываючы адступленне франкаў цераз Пірэнеі.

У эпічнай літаратуры пра Карла Вялікага апісваецца як яго пляменнік і адзін з 12 паладзінаў (доблесны самаадданы рыцар). Стаў героем эпаса «Песня пра Раланда», паэм італьянскіх паэтаў канца 15 — пачатку 16 ст. «Закаханы Раланд» М. Баярда, «Неўтаймаваны Раланд» Л. Арыёста.

Літаратура

Раланд // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — С. 286—287. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.
Роланд // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.