У Вікіпедыі ёсць артыкулы пра іншых асоб з прозвішчам Яршоў. Пётр Паўлавіч Яршоў (руск.: Пётр Па́влович Ершо́в, 22.2(6.3).1815, вёска Бязрукава, каля г. Ішым, цяпер Цюменская вобласць — 18 (30) .8.1869, Табольск) — рускі пісьменнік.
Нарадзіўся ў сям’і чыноўніка. У 1831-35 гадах вучыўся на філасофска-юрыдычным аддзяленні Пецярбургскага ўніверсітэта. З 1836 года жыў у Табольску, быў настаўнікам, з 1857 года дырэктар Табольскай гімназіі. Яшчэ як студэнт Яршоў напісаў свой лепшы твор — казку «Канёк-Гарбунок» (1834; поўнае выданне 1856). Яршоў таксама аўтар лірычных вершаў, п’есы «Сувораў і станцыйны наглядчык» (1835), апавяданняў.