wd wp Пошук: ⬜

Пётр Аляксеевіч Карнач

У Вікіпедыі ёсць артыкулы пра іншых асоб з прозвішчам Карнач. Пётр Аляксеевіч Карна́ч (1 мая 1932, в. Клінок, Чэрвеньскі раён, Мінская вобласць — 25 жніўня 1996) — беларускі мастацтвазнавец, мастак. Кандыдат мастацтвазнаўства (1967).

Біяграфія

Скончыў Беларускі тэатральна-мастацкі інстытут у 1955 годзе. 3 1961 года працаваў у Інстытуце мастацтвазнаўства, этнаграфіі і фальклору АН Беларусі.

Навуковая дзейнасць

Даследаваў пытанні тэорыі і практыкі тэатральна-дэкарацыйнага мастацтва. Аўтар тэксту і складальнік альбома «Мастацтва беларускіх дэкаратараў» (1989), манаграфій пра беларускі мастакоў: «С. Ф. Нікалаеў» (1970), «П. В. Масленікаў» (1973), «Я. Чамадураў» (1984) і інш., артыкулаў для «Гісторыі мастацтва народаў СССР» (т. 8—9, 1977—1982), «Гісторыі беларускага мастацтва» (т. 3—6, 1989—1994).

Працаваў у пейзажным жывапісе: «Лагойскі матыў» (1975), «Сонечны дзень» (1980), «Зімовы пейзаж» (1981), «Напрадвесні» (1988).

Творы

Дэкарацыйнае мастацтва музычнага тэатра БССР. Мн., 1973.

Узнагароды і прэміі

Дзяржаўная прэмія Рэспублікі Беларусь (у аўтарскім калектыве, 1996) — за цыкл прац «Гісторыя беларускай дзяржавы».

Літаратура

Шаура Р. Ф. Карнач Пётр Аляксеевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 8: Канто — Кулі. — 576 с. — 10 000 экз. — ISBN 985-11-0144-3 (т. 8), ISBN 985-11-0035-8.
Карнач Пётр Аляксеевіч // Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ.
Карнач Петр Алексеевич // Республика Беларусь: Энциклопедия в 6 т. Т. 3: Герасименко — Картель / редкол.: Г. П. Пашков и др. — Минск: БелЭн, 2006. — 896 с : ил. — ISBN 985-11-0341-1. — ISBN 985-11-0382-9 (Т. 3)