Пётр Іванавіч Дзячак (нар. 1 студзеня 1949, в. Рагадашч, Іванаўскі раён, Брэсцкая вобласць) — беларускі спецыяліст у галіне цеплазабеспячэння, вентыляцыі і кандыяцыяніравання паветра, аўтаматызацыі тэхналагічных працэсаў і вытворчасцей у сельскай гаспадарцы, тэарэтычнай цеплатэхнікі. Доктар тэхнічных навук (1999), прафесар (1999).
Скончыў Беларускі політэхнічны інстытут (спецыяльнасць «Ацяпленне і вентыляцыя», 1972).
Працаваў у Беларускім нацыянальным тэхнічным універсітэце (з 1972, факультэт энергетычнага будаўніцтва, кафедра «Цеплагазазабеспячэнне і вентыляцыя», прафесар).
Навуковыя інтарэсы: цепла- і масаабмен у насыпных слаях сельскагаспадарчай прадукцыі; цеплавы рэжым будынкаў і збудаванняў; ачыстка вентыляцыйных выкідаў ад механічных прымесей.