Пунсо́выя ве́тразі (руск.: Алые паруса) — аповесць-феерыя Аляксандра Грына, напісаная ў 1916—1922 гадах і выдадзеная ў 1923 годзе.
Аповесць распавядае гісторыю пра дзяўчынку Асоль, якая засталася без маці, калі ёй было толькі пяць месяцаў. Асоль жыла са сваім бацькам-мараком. Пасля адстаўкі ён пачаў рабіць цацкі, каб зарабіць сабе і маленькай дачцы на жыццё.
Аднойчы ў лесе, падчас «пагоні» за ўплываючай цацачнай яхтай, Асоль сустракае «збіральніка песень, легенд, паданняў і казак»; старца з імем Эгль. Ён распавядае ёй, што калі яна вырасце і стане дарослай, да яе аднойчы прыплыве прынц на караблі з пунцовымі парусамі.
Асоль паверыла старцу і стала чакаць прынца. Аднойчы яе мара спраўдзілася ў выглядзе трохмачтавага галіёта «Сакрэт» пад алымі парусамі і ў выглядзе маладога капітана Артура Грэя, закаханага ў яе.