Пры́нцып адно́снасці Галіле́я (пры́нцып адно́снасці ў меха́ніцы) — адзін з фундаментальных прынцыпаў механікі, які сцвярджае раўнапраўнасць усіх інерцыяльных сістэм адліку і, такім чынам, адсутнасць адзінай, «абсалютнай» сістэмы адліку.
Прынцып адноснасці Галілея фармулюецца наступным чынам:
У любых інерцыяльных сістэмах адліку ўсе механічныя з’явы адбываюцца аднолькава, калі аднолькавыя іх пачатковыя ўмовы. З прынцыпа адноснасці вынікае адноснасць самога паняцця руху, бо цела, якое рухаецца ў адной сістэме адліку, можа быць нерухомым у іншай.
Пашырэннем прынцыпа адноснаці Галілея з’яўляецца прынцып адноснасці Эйнштэйна.