Пльзенскі край (чэшск.: Plzeňský kraj) — адміністрацыйная адзінка Чэшскай Рэспублікі, размешчаны ў заходняй частцы гістарычнай вобласці Багемія. Адміністрацыйны цэнтр — Пльзень.
Насельніцтва Пльзенскага края складае 569.627 чалавек (па стане на 31 снежня 2008 года), што адпавядае 5,4 % усяго насельніцтва Чэхіі. З гэтай колькасці 30 % жыхароў пражывае ў Пльзень і прыгарадах. У краі шмат населеных пунктаў з невялікай колькасцю жыхароў, адзіным вялікім горадам з’яўляецца адміністрацыйны цэнтр края Пльзень — чацвёрты па велічыні горад Чэхіі (164 000 жыхароў). У астатніх 46 гарадах края пражывае 367.000 чалавек. Шчыльнасць насельніцтва складае 72,9 жыхароў на 1 квадратны кіламетр (у сярэднім па краіне — 130 жыхароў на 1 квадратны кіламетр).