У Вікіпедыі ёсць артыкулы пра іншых людзей з імем Мендоса. Педра дэ Мендоса (ісп.: Pedro de Mendoza; 1487, Гуадыс, Гранада — 1537, Атлантычны акіян) — іспанскі канкістадор з тытулам адэлантада.
Мендоса паходзіў з заможнай сям’і, якая жыла ў Альмера. Ён ваяваў у Італіі, прысутнічаў пры двары караля Карла V Габсбурга і арганізаваў экспедыцыю з адзінаццаці караблёў у Паўднёвую Амерыку.
Пасля прыпынку ў гавані Рыа-дэ-Жанейра ён дасягнуў вусця Ла-Платы, дзе ў 1536 заснаваў калонію Буэнас-Айрэс. Некаторыя жыхары калоніі пазней праніклі ўглыб кантынента па Паране і Парагваю і заснавалі паселішча ў Асунсьён. З-за шматлікіх нападаў мясцовых індзейцаў на Буэнас-Айрэс Мендоса вырашыў пакінуць кантынент і вярнуцца ў Іспанію, аднак памёр па шляху дадому.