Патая — курортны горад на паўднёвым усходзе Тайланда. Размешчаны на ўсходнім узбярэжжы Сіямскага заліва, прыкладна за 165 км на паўднёвы ўсход ад Бангкока. Знаходзіцца ў правінцыі Чонбуры. Насельніцтва — 115 840 зарэгістраваных жыхароў (2015), рэальнае насельніцтва перавышае 500 тыс. жыхароў (улічваючы турыстаў у пік сезона). Клімат субэкватарыяльны. Сярэднегадавы мінімум — 24,9 °C (з варыяцыямі ад 22 °C у снежні да 27 °C у маі-чэрвені). Сярэднегадавы максімум складае 31,2 °C (з варыяцыямі ад 30 °C у снежні да 33 °C у красавіку).