Папялушка з чатырма рыцарамі

«Папялушка з чатырма рыцарамі»[2] (кар.: 신데렐라와 네 명의 기사) — паўднёвакарэйскі драматычны тэлесерыял, спрадзюсараваны Квон Хёк Чанам і Лі Мін У. У галоўных ролях зняліся акцёры Пак Со Дам, Чон Іль У, Ан Джэ Хён, Лі Чон Шын, Чхвэ Мін і ўдзельніца K-pop гурта Apink Сон На Ын.[3][4][5][6][7] Серыял паказвалі на тэлеканале tvN у Паўднёвай Карэі з 12 жніўня па 1 кастрычніка 2016 года.

Сюжэт

Ын Ха Вон (Пак Со Дам) — разумная вучаніца старшай школы, якая марыць стаць настаўніцай. У дзяцінстве яна страціла маці ў жудасным пажары. Калі яе бацька зноў ажаніўся, і жорсткая мачаха са зводнай сястрою пераехалі жыць да іх, дзяўчына была змушаная шукаць працу, каб аплаціць сваю вучобу і мемарыял маці. Па волі лёсу здараецца так, што яна сустракае старога спадара, кіраўніка вядомай буйной карпарацыі, які прапаноўвае ёй пераехаць у свой асабняк, каб даглядаць трох яго ўнукаў, спадчыннікаў маёмасці. Пад адным дахам з бунтаром і адзіночкай Кан Джы Унам (Чон Іль У), плэйбоем і марнатраўцам Кан Хён Мінам (Ан Джэ Хён) і вельмі мілым спеваком Кан Со Ву (Лі Чон Шын) Ха Вон зразумела, што трапіла ў самы гарачы любоўны чатырохвугольнік, які толькі можна сабе ўявіць у сучаснай казцы. Таксама ў асабняку чэбалей Ха Вон знаёміцца з прыгажуном Лі Юн Сонам (Чхвэ Мін), які працуе тут целаахоўнікам братоў, і суседскай дзяўчынай Пак Хе Джы (Сон На Ын), закаханай у Кан Хён Міна з дзяцінства.

Зноскі

1. ↑ 신데렐라와 네 명의 기사 1(кар.) .
2. ↑ #XKisses (ENG/SPA/IND) Il Woo ♥ So Dam Kiss Scenes Compilation #CinderellawithFourKnights #Diggle(кар.) . YouTube. tvN D ENT.
3. ↑ Park So-dam to play heroine(англ.) .
4. ↑ 정일우·박소담·이정신 등 6인, 판타지 드라마 ’신네기‘ 출연 (공식입장)(кар.) .
5. ↑ Jung Il Woo and Ahn Jae Hyun Join 2016 Fantasy Romance K-drama Cinderella and Four Knights(англ.) .
6. ↑ 안재현·정일우·박소담, ‘신데렐라와 네 명의 기사’ 출연 확정(공식)(кар.) .
7. ↑ ‘신데렐라’ 정일우·안재현·박소담, 첫 대본 리딩 현장(кар.) .

Артыкулу нестае спасылак на крыніцы. Змест мусіць быць правяральным або яго могуць выдаліць. Вы можаце адрэдагаваць артыкул, дадаць спасылкі на аўтарытэтныя крыніцы.