Піці, Палацца Піці (італ.: Palazzo Pitti) — самы вялікі з існуючых цяпер Фларэнційскіх палацца, адна з самых значных славутасцяў Фларэнцыі. Знаходзіцца на пакацістай Плошчы Піці; ззаду будынка размяшчаюцца сады Баболі.
Будынак служыў рэзідэнцыяй спачатку вялікаму герцагу Медычы, затым дынастыі Латарынгскіх герцагаў і, нарэшце, італьянскай каралеўскай сям’і. Сёння гэта адзін з самых буйных музейных комплексаў Фларэнцыі. Тут размешчаны Палацінская галерэя, Галерэя сучаснага мастацтва, Музей срэбра, Музей фарфору, Музей карэт і Галерэя касцюма — найбуйнейшы ў Італіі збор, прысвечаны гісторыі моды.