Папаручнік — афіцэрскае званне ў арміях Вялікага княства Літоўскага, Польшчы, Расіі з XVIII ст.
У арміі ВКЛ першапачаткова існавала толькі ў кавалерыі, а ў другой палове XVIII ст. таксама ў пяхоце. У артылерыі падпаручнікаў таксама называлі «секунд-паручнік».
Выконвалі функцыі намеснікаў паручнікаў. З увядзеннем знакаў адрознення у канцы XVIII ст. мелі дзве зорачкі на пагоне. У арміі ВКЛ 1812 г. знакам адрознення падпаручніка былі дзве стужкі на эпалеце без махры.
Ва Узброеных сілах Рэспублікі Беларусь адпавядае званню «лейтэнант». У Войску Польскім, арміях Чэхіі і Славакіі «падпаручнік» — першае афіцэрскае званне.