Паводка ў Рэспубліцы Македонія — стыхійнае бедства, выкліканае моцнымі дажджамі 6-7 жніўня 2016 года. Больш за ўсё пацярпела сталіца дзяржавы, горад Скоп’е, дзе пад вадой аказаліся цэлыя кварталы на поўначы і ў цэнтры[1]. Дажджы змылі ўчастак кальцавой дарогі вакол сталіцы, некаторыя аўтамабілі былі перакінутыя на сотні метраў[2]. Ахвярамі сталі больш за 20 чалавек, некаторыя з якіх не маглі выбрацца з аўтамабіляў[3]. Дзясяткі людзей атрымалі траўмы[4]. Паўночны захад Македоніі пацярпеў ад парушэння работы аўтастрад і падачы электраэнергіі[5], некаторыя пасёлкі адрэзаныя ад астатняй краіны апоўзнямі глебы.