.mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Павел V (лац.: Paulus PP. V) (у свеце Каміла Баргезэ, італ. Camillo Borghese; (17 верасня 1552 — 28 студзеня 1621) — Папа Рымскі з 16 мая 1605 па 28 студзеня 1621.
Сям’я Баргезэ паходзіла з Сіены, але пераехала ў Рым. Тут 17 верасня 1552 г нарадзіўся Каміла. Ён вывучаў права і, як святар, паступіў на папскую службу.
У 1616 дэкрэт папскай Кангрэгацыі «Індэкса забароненых кніг» асудзіў працу Мікалая Каперніка «Аб зваротах нябесных сфер». Па ініцыятыве Папы быў пачаты таксама інквізіцыйны працэс супраць Галілеа Галілея (1564—1642), самага выбітнага фізіка і астранома таго перыяду, прапагандыста ідэй Мікалая Каперніка. Забаронена было, у прыватнасці, прапагандаваць тэззіс, што «Сонца не рухаецца вакол Зямлі і Зямля не з’яўляецца цэнтрам Сусвету». У часы Паўла V развіваліся місіі — капуцынаў у каралеўстве Конга, іезуітаў — у Парагваі. У 1611 г. распаўсюдзіў на ўсю каталіцкую царкву прынцып «чысціні крыві».