У Вікіпедыі ёсць артыкулы пра іншых асоб з прозвішчам Астапенка.
Па́вел Яўме́навіч Аста́пенка — беларускі дыпламат. Былы пастаянны прадстаўнік Беларускай ССР у ААН (1961—1964)[3].
З 1949 года — супрацоўнік Міністэрства замежных спраў Беларускай ССР.
У 1953 годзе — член дэлегацыі Беларускай ССР пры Арганізацыі Аб’яднаных Нацый.
У 1956 годзе — кіраўнік дэлегацыі Беларускай ССР на канферэнцыі Міжнароднай арганізацыі працы ў Жэневе[4]
У 1960—1961 гг. — намеснік міністра замежных спраў Беларускай ССР[5]
У 1961—1966 гг. — пастаянны прадстаўнік Беларускай ССР у Савеце Бяспекі Арганізацыі Аб’яднаных Нацый[6][7].
З 1966 года — кіраўнік Упраўлення турызму пры Савеце Міністраў Беларускай ССР[8].
У 1970—1980 гг. займаў трэцюю па значнасці пасаду ў Міжнароднай арганізацыі працы — памочніка генеральнага дырэктара[9].