Павел Іванавіч Каршуновіч (1967, Мінск) — беларускі юрыст і дзяржаўны дзеяч. Суддзя Вярхоўнага Суда Рэспублікі Беларусь (з 2021). Прысвоены першы кваліфікацыйны клас суддзі.
Нарадзіўся у 1967 годзе ў Мінску.
У 1994 годзе скончыў Беларускі дзяржаўны ўніверсітэт. З 1994 года працаваў стажорам, выконваў абавязкі суддзі суда суда Цэнтральнага раёна Мінска[1].
З 1995 года — суддзя суда Цэнтральнага раёна Мінска. З 1998 года — намеснік старшыні суда Цэнтральнага раёна Мінска[1].
З 2000 года — суддзя Мінскага гарадскога суда. З 2004 года па 10 чэрвеня 2013 года[2] працаваў суддзёй і старшынёй суда Партызанскага раёна Мінска.
З 10 чэрвеня 2013 года[2] па 7 верасня 2021 года[3] працаваў суддзёй і старшынёй Мінскага гарадскога суда.
7 верасня 2021 года прызначаны суддзёй Вярхоўнага Суда Рэспублікі Беларусь[3].