Оракская мова (саманазва: ујилта кэсэни[2]) — мова оракаў — карэннага малалікага народа Сахаліна. Адносіцца да тунгуса-маньчжурская моўнай сям’і. У 2010 годзе заставалася толькі 50 носьбітаў мовы, 47 з іх пражывалі ў Расіі[3].
Нягледзячы на вельмі нізкую колькасць паўнавартасных носьбітаў мовы, існуе рух за яе рэвіталізацыю. Пры падтрымцы рэгіянальных уладаў і нафтаздабываючых кампаній, якія працуюць у традыцыйным арэале рассялення оракаў, па-оракску выдаюцца дзіцячыя кнігі, у сяле Вал адкрытыя факультатыўныя курсы роднай мовы пры школе.