Олуша паўночная
Паўночная, або звычайная о́луша (Morus bassanus) — буйная марская птушка сямейства олушавых, распаўсюджаная ў Паўночнай Атлантыцы.
Апісанне
Даўжыня цела 87-100 см, размах крылаў 165-185 см. Дарослыя белыя, з жоўтай галавой і чорнымі канцамі крылаў. Хвост клінаваты. Маладыя птушкі бура-карычневыя. У пераходным уборы белыя з карычневымі плямамі.
Пашырэнне
Арэал: Паўночная Атлантыка (Нарвегія, Брытанскiя, Шэтландскія, Фарэрскія і Нармандскія а-вы, Iрландыя, Iсландыя, Лабрадор, Ньюфаўндленд, Канада). Насяляе высокiя, абрывiстыя скалы па-над берагамi мораў i акiянаў, адкрытыя воды. Пералётны від, часткова качуе. Сустракаецца на Шпiцбергене, в-ве Мядзведжым, у Люксембургу, Фiнляндыi, Эстонii, Латвii, Лiтве, Польшчы, Чэхii, Аўстрыi, Балгарыi, на Азорах, А-вах Зялёнага Мыса. Вядомы прынамсі адзін выпадак, калі паўночная олуша заляцела выпадкам на тэрыторыю Беларусі[1]. Месцы зiмовак каля берагоў Паўночна-Заходняй Афрыкi i Заходняй Еўропы, на Атлантыцы, Паўночным i Мiжземным морах.
Асаблівасці біялогіі
Гняздуе ў калонiях, гняздо на зямлi або скальных выступах на абрывiстых узбярэжжах, выслана водарасцямі з прымессю наземных раслiн.
Яйкi (1, часам 2) авальныя, падоўжаныя. Адразу пасля адкладкi блакiтнаватыя, пакрытыя белым вапнавым налётам, якi пад час наседжвання знiкае, а на яйку з’яўляюцца бураватыя плямкi. Памеры: 78 х 53 мм[2].
Зноскі
- ↑ http://www.ptushki.org/info/press/item/5026.html Архівавана 21 студзеня 2012.
- ↑ http://www.ptushki.org/guide/bird/52.html#sthash.NxoFCLvH.dpuf
Літаратура
- Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X
Катэгорыя·Жывёлы паводле алфавіта
Катэгорыя·Віды па-за небяспекай
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Олушавыя