Нікейская імперыя (грэч.: Αυτοκρατορία της Νίκαιας) — дзяржава, што ўзнікла на тэрыторыі паўночнага захаду Анатоліі пасля захопу Канстанцінопаля крыжакамі ў 1204 годзе. Краіна праіснавала да 1261 года. Нікейская імперыя была адным з найбуйнейшых дзяржаўных утварэнняў, якія ўзніклі на месцы Візантыйскай імперыі, яе імператары працягвалі лічыць сябе сапраўднымі імператарамі Візантыі.