Нягне́віцкі сельсавет — адміністрацыйна-тэрытарыяльная адзінка ў складзе Навагрудскага раёна Гродзенскай вобласці. Цэнтр — аграгарадок (да 2008 г. вёска) Нягневічы.
Утвораны 12 кастрычніка 1940 года ў складзе Любчанскага раёна Баранавіцкай вобласці БССР. З 8 студзеня 1954 года ў складзе Гродзенскай вобласці. 16 ліпеня 1954 года да сельсавета далучана тэрыторыя скасаванага Харосіцкага сельсавета, вёска Малы Сялок перададзена ў склад Куравіцкага сельсавета Навагрудскага раёна[1]. З 17 снежня 1956 года сельсавет у складзе Навагрудскага раёна.
Насельніцтва сельсавета паводле перапісу 2009 года — 1913 чалавек[2], з іх 94,8 % — беларусы, 2,5 % — рускія, 1,6 % — палякі[3].
Насельніцтва, жыхароў: 2154 (2008 г.), 1913 (2009 г.), 1824 (2017 г.).
У склад сельсавета ўваходзіць 15 населеных пунктаў (2017 г.):
| Населены пункт | Статус | Насельніцтва, 2009[2] |
|---|---|---|
| Адампаль | вёска | 7 |
| Баярская | вёска | 57 |
| Весялова | вёска | 100 |
| Дуб'ё | вёска | 6 |
| Задвор'е | вёска | 28 |
| Лозкі | вёска | 128 |
| Мілушава | вёска | 64 |
| Нягневічы | аграгарадок | 979 |
| Пабрэззе | вёска | 44 |
| Падгур'е | вёска | 40 |
| Падкасоўе | вёска | 83 |
| Роскаш | вёска | 45 |
| Сланева | вёска | 89 |
| Старыя Нягневічы | вёска | 38 |
| Харосіца | вёска | 205 |
• Сельскагаспадарчы вытворчы кааператыў «Нягневічы».
• участак Навагрудскага РУП ЖКГ (кацельня, вадаправодная сетка, каналізацыйная сетка, ачышчальныя збудаванні).
• комплексна-прыёмны пункт у аг. Нягневічы
• філіял АСБ «Беларусбанк» у аг. Нягневічы
• лазня ў в. Харосіца
• паштовае аддзяленне сувязі ў аг. Нягневічы
• крамы ў аграгарадку Нягневічы; вёсках Баярская, Лозкі, Сланева, Харосіца.
• ДУА «Нягневіцкая сярэдняя школа»
• ДУА «Дашкольны цэнтр развіцця дзіцяці Навагрудскага раёна».
• бальніца сястрынскага догляду на 25 ложкаў, амбулаторыя ў аг. Нягневічы
• аптэка ў аг. Нягневічы.
• Харосіцкі сельскі Дом культуры.
• Харосіцкая сельская бібліятэка.