Не́цечка, Нецеч[1] — рака ў Дзяржынскім раёне Мінскай вобласці Беларусі, левы прыток ракі Ператуць (басейн Нёмана).
Даўжыня ракі 12 км. Плошча вадазбору 32 км². Сярэдні нахіл воднай паверхні 3,4 м/км. Выток ракі знаходзіцца ў напрамку на паўночны захад ад ускраіны Дзяржынска. Рака працякае праз горад і ўпадае ў Ператуць на поўдзень ад яго. Вадазбор узгорысты. Рэчышча каналізаванае ў сярэднім цячэнні, ніжэй Дзяржынска. У межах горада на рацэ ёсць сажалкі.