Не́жлеўка — рака ў Полацкім раёне Віцебскай вобласці, левы прыток ракі Ушача (басейн Заходняй Дзвіны).
Рака Нежлеўка бярэ пачатак у возеры Нежлева. Цячэ па паўночнай ускраіне Ушацка-Лепельскага ўзвышша. Даўжыня ракі 11 км. Плошча вадазбору 83 км. Сярэдні нахіл воднай паверхні 1,3 м/км. Азёрнасць вадазбору каля 8 % (найбольшае — возера Наўліцкае). У басейне ракі азёры Нежлева, Глыбачка, Куравічы, Шылава, Калеснікава і інш.