Негрыл
Негрыл (англ.: Negril) — кліматычны курорт на захадзе Ямайкі. Утварае самастойны муніцыпалітэт. Сталае насельніцтва (2010 г.) — 4612 чал.
Гісторыя
Да другой паловы XX ст. Негрыл з’яўляўся невялікай рыбацкай вёскай, ізаляванай аднайменнай ракой, у вусці якой быў заснаваны, а таксама балотамі. Першая дарога ў Негрыл была пабудавана ў 1959 г. Электрычнасць і тэлефон з’явіліся значна пазней.
У 1970-ыя гг. Негрыл стаў папулярным сярод амерыканскіх хіпі. У 1977 г. быў пабудаваны першы вялікі курорт «Negril Beach Village». У 1980-ых гг. пачаўся турыстычны бум. У 2001 г. гарадская гандлёва-прамысловая палата прыняла «зялёны» стандарт абслугоўвання наведвальнікаў.
Славутыя мясціны
Негрыл вядомы сваімі двума доўгімі пясчанымі пляжамі, месцамі для водных відаў спорту, музычнымі клубамі і даволі бесклапотнай атмасферай.
Іншыя славутасці:
- Маяк, пабудаваны ў 1894 г.
- Родас-Хол, дзе арганізавана вярхавая язда.
- Крывавы заліў (англ.: Bloody Bay), названы так таму, што калісьці тут былі забіты кіты. Гэта цудоўнае месца для занятку дайвінгам.
Галерэя
Пляж
Заходняя частка пляжа
Аб’ява аб канцэрце
Спасылкі
Тэмы гэтай старонкі (5):Катэгорыя·Населеныя пункты паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Нявызначаная краіна (тэлефонны код)
Катэгорыя·Гарады Ямайкі
Катэгорыя·Населеныя пункты без паштовага індэкса