Веро́ніка Мішэль Башле́ Хе́ра (ісп.: Verónica Michelle Bachelet Jeria [βeˈɾonika miˈʃɛl baʃˈle ˈçeɾja]; 29 верасня 1951, Сант’яга, Чылі) — прэзідэнт Чылі з 11 сакавіка 2006 г. да 11 сакавіка 2010 года ад Сацыялістычнай партыі Чылі. Першая ў гісторыі Чылі жанчына, абраная на пасаду кіраўніка дзяржавы. Дыпламаваны медык-хірург і эпідэміёлаг, у свой час яна таксама вывучала ваенную стратэгію.
На прэзідэнцкіх выбарах прадстаўляла кіруючую левацэнтрысцкую кааліцыю «Дэмакратычная згода». У першым туры, які прайшоў у снежні 2004, набрала 45,95 % галасоў з пакладзеных па Канстытуцыі 50 % плюс адзін голас. У другім туры, які адбыўся 15 студзеня 2006 года, дзе ёй супрацьстаяў кандыдат ад апазіцыйнага кансерватыўнага блока «Нацыянальнае абнаўленне», мільярдэр Себасцьян Піньера, атрымала 53,5 % галасоў выбаршчыкаў. Інаўгурацыя Мішэль Бачэлет адбылася 11 сакавіка 2006 г.