Міцкевічаўскі батальён або батальён Адама Міцкевіча (ісп.: Batallón Adam Mickiewicz, польск.: Battalion im. Adama Mickiewicza) — польскі пяхотны батальён, складовая частка XIII-й польскай інтэрбрыгады, якая змагалася ў грамадзянскай вайне ў Іспаніі на баку рэспубліканцаў.
Утвораны з роты імя Міцкевіча і батальёна імя Палафокса. Рота першапачаткова сфарміравана 18 лістапада 1936 года ў Альбасетэ. Некаторы час падпарадкоўвалася камандаванню Чапаеўскага батальёна. Пасля перафармавання ў батальён з 4 па 27 кастрычніка 1937 года атрад Міцкевіча складаўся ў XIII-й інтэрбрыгадзе. Распушчаны 24 верасня 1938 года.
Батальёнам выдавалася газета «Żołnierz Wolności».