Міхаіл Захаравіч Пізенгольц (руск.: Михаил Захарович Пизенгольц; 15 ліпеня 1926, Хойнікі Рэчыцкага павета Гомельскай губерні — 1 красавіка 2003, Масква) — савецкі эканаміст, педагог. Спецыяліст у галіне фінансавай дзейнасці буйных сельскагаспадарчых прадпрыемстваў. Доктар эканамічных навук (1968), прафесар (1968).
Скончыў эканамічны факультэт Маскоўскага дзяржаўнага ўніверсітэта (1951). У 1951—1954 гадах інспектар аддзялення Дзяржбанка ў горадзе Бор Горкаўскай вобласці. У 1957—1990 гадах старшы выкладчык, дацэнт, прафесар, загадчык кафедры статыстыкі і бухгалтарскага ўліку Варонежскага сельскагаспадарчага інстытута. У 1990—2000 гадах прафесар кафедры бухгалтарскага ўліку Усесаюзнага (Расійскага) сельскагаспадарчага інстытута завочнай адукацыі (горад Масква). З 2001 года прафесар Маскоўскага універсітэта спажыўкааперацыі.
Аўтар звыш 100 работ.
Сын — Пізенгольц Уладзімір Міхайлавіч — прафесар кафедры эканомікі прадпрыемства і прадпрымальніцтва Расійскага ўніверсітэта дружбы народаў.