У Вікіпедыі ёсць артыкулы пра іншых асоб з прозвішчам Алексяюк. Міхаіл Іванавіч Алексяюк (1 лістапада 1907, Лодзь, Лодзьскі павет, Пятрокаўская губерня, Царства Польскае, Расійская імперыя (сёння — Лодзьскае ваяводства, Польшча) — 24 студзеня 1983) — беларускі краязнавец.
У 1928 г. скончыў Брэсцкі чыгуначны тэхнікум. Да 1967 г. працаваў у сістэме меліярацыі Палесся, потым — старшым навуковым супрацоўнікам Брэсцкага абласнога краязнаўчага музея.
Адкрыў неалітычныя пабудовы на палях на воз. Ула (Віцебскі раён), стаянкі на тэрыторыі Брэсцкай вобласці (в. Блювінічы, Бараны, Мышчыцы, Мікольскае, Опаль і інш.), удзельнічаў у археалагічных раскопках гарадзішча Бярэсце. Падрыхтаваў і апублікаваў больш за 150 нарысаў па гісторыі населеных пунктаў Брэстчыны.