wd wp Пошук: ⬜

Мінамота-но Ёрытома

Мінамота-но Ёрытома (9 мая 1147 — 9 лютага 1199) — заснавальнік сёгуната Камакура і першы яго кіраўнік (у 1192—1199).

Біяграфія

Нарадзіўся ў Хэян-кё, тагачаснай сталіцы Японіі, вядомай сёння як Кіёта. Ён быў трэцім сынам Мінамота-но Ёсітома, кіраўніка роду Мінамота, і яго старэйшай жонкі, дачкі Фудзівары-но Суэноры з роду Фудзівара.

Пачынаючы з IX стагоддзя, у Японіі вялікая ўлада засяродзілася ў руках сям’і Фудзівара, рэгентаў пры імператары. Аднак, калі ў сям’і Фудзівара не стала больш дачок — традыцыйных нявест для імператараў, нейкі час Японіяй кіравалі адхіленыя раней ад улады імператары. Затым на кароткі час высунуўся род Тайра, але зрынуты ім супернік — клан Мінамота — аб’яднаўся на чале з Мінамота-но Ёрытома і захапіў уладу. Ёрытома ўзяў сабе тытул «сэі-тайсёгун», які азначаў «вялікі генерал, які карае варвараў». З 1192 года ўся ўлада засяродзілася ў яго руках. Мінамота заснаваў свой ваенны ўрад у Камакура, ад назвы якой атрымаў імя яго сёгунат.

Зноскі

↑ Minamoto no Yoritomo // Gran Enciclopèdia Catalana — Grup Enciclopèdia Catalana, 1968.

Спасылкі

На Вікісховішчы ёсць медыяфайлы па тэме Мінамота-но Ёрытома

Папярэднік:
—

Камакурскі сёгун:
Мінамота-но Ёрытома
1192—1199

Пераемнік:
Мінамота-но Ёрыіэ