У Вікіпедыі ёсць артыкулы пра іншых асоб з прозвішчам Самуэльсан.
Мікаэль Самуэльсан (шведск.: Mikael Samuelsson, нар. 23 снежня 1976, Мар’ефрэд, Швецыя) — прафесійны хакеіст, правы крайні нападнік.
Самуэльсан пачаў сваю кар’еру ў шведскай элітнай серыі ў клубе «Сёдэртэлье СК», пасля чаго гуляў у клубах «Вестра Фролунда» і «Брунес ІФ». У 1998 годзе быў абраны на драфце НХЛ пад агульным 145-м нумарам камандай «Сан-Хасэ Шаркс». Пасля недоўгачасовага перыяду выступлення за «Сан-Хасэ» выступаў за клубы «Нью-Ёрк Рэйнджэрс», «Пітсбург Пінгвінз» і «Фларыда Пантэрз». Падчас лакаўту у НХЛ у сезоне 2004/05, гуляў у клубах швейцарскай нацыянальнай лігі «Жэнева-Сервет» і «Раперсвіль-Ёна Лейкерс». Пасля лакаўту вярнуўся ў НХЛ і пачаў выступаць за клуб «Дэтройт Рэд Уінгз», з якім заваяваў Кубак Стэнлі ў сезоне 2007/08. Летам 2009 года Самуэльсан перайшоў у клуб «Ванкувер Кэнакс», з якім падпісаў трохгадовы кантракт на суму 2,5 мільёна долараў у год.