У Вікіпедыі ёсць артыкулы пра іншых асоб з прозвішчам Хлопін. Мікалай Рыгоравіч Хлопін (28 ліпеня 1897, Тарту — 21 чэрвеня 1961, Ленінград) — савецкі вучоны-гістолаг, акадэмік Акадэміі медыцынскіх навук СССР (1945). Сын навукоўца-гігіеніста Р. В. Хлопіна(руск.) бел. (1863—1929). Генерал-маёр медыцынскай службы.
У 1921 годзе скончыў Ваенна-медыцынскую акадэмію, у 1922 годзе — універсітэт ў Петраградзе. З 1921 года быў выкладчыкам, а ў 1936—1955 гадах — начальнікам кафедры гісталогіі і эмбрыялогіі Ваенна-медыцынскай акадэміі. У 1928—1938 гадах быў супрацоўнікам Анкалагічнага інстытута ў Ленінградзе. У 1932—1954 гг. працаваў у інстытуце эксперыментальнай медыцыны. З 1955 года быў загадчыкам Лабараторыяй эксперыментальнай марфалогіі ў інстытуце анкалогіі АМН СССР у Ленінградзе.