У Вікіпедыі ёсць артыкулы пра іншых асоб з прозвішчам Мяцельскі. Мікала́й Мікалаевіч Мяце́льскі (12 чэрвеня 1947, в. Ракаў, Валожынскі раён, Мінская вобласць) — беларускі матэматык, доктар фізіка-матэматычных навук (1992, Камбінаторна-геаметрычныя метады размяшчэння ўзаемазлучаных аб’ектаў), прафесар (1992). Сын Мікалая Мяцельскага. Скончыў БДУ (1970). З 1970 працуе ў Інстытуце матэматыкі НАН Беларусі. Навуковыя працы па камбінаторнай геаметрыі, дыскрэтнай аптымізацыі. Распрацаваў новыя метады даследавання і развязання задач камбінаторна-геаметрычнай аптымізацыі, тэарэтычныя асновы частковай выкупнасці ў канечнамернай прасторы.