Мікалай Іосіфавіч Юрчук (нар. 27 мая 1942, в. Дубенец, Столінскі раён, Брэсцкая вобласць) — беларускі матэматык. Доктар фізіка-матэматычных навук (1982), прафесар (1983). Акадэмік Пятроўскай акадэміі навук і мастацтваў (1997).
Скончыў Беларускі дзяржаўны ўніверсітэт (спецыяльнасць «Матэматыка», спецыялізацыя «Дыферэнцыяльныя ўраўненні», 1966).
Працаваў у Беларускі дзяржаўны ўніверсітэт (механіка-матэматычны факультэт, кафедра матэматычнай кібернетыкі, прафесар, у 1982—2013 — загадчык кафедры, 1982—1985 і 1996—2007 — дэкан факультэта).
Навуковыя інтарэсы: дыферэнцыяльна-аператарныя ўраўненні; ураўненні з частковымі вытворнымі; ураўненні матэматычнай фізікі.
Ордэн «Знак Почета» (1987), Дзяржаўная прэмія Рэспублікі Беларусь (1996), званне «Заслужаны дзеяч навукі Рэспублікі Беларусь» (1996).