У Вікіпедыі ёсць артыкулы пра іншых асоб з прозвішчам Жукаў.
Мікалай Іванавіч Жукаў (20 мая 1930, Шуя, Іванаўская Прамысловая вобласць, РСФСР — 20 лістапада 2002) — беларускі філосаф, заснавальнік беларускай навуковай школы ў галіне філасофскіх праблем тэорыі сістэм, кібернетыкі, матэматыкі. Доктар філасофскіх навук (1975), прафесар (1976).
Скончыў Ленінградскае ваенна-марское вучылішча (1953), Ленінградскі дзяржаўны ўніверсітэт імя А. А. Жданава (філасофскі факультэт, 1958).
Працаваў у Ваенна-Марскім Флоце СССР (Чарнаморскі флот, 1953—1960), Мінскім дзяржаўным медыцынскім інстытуце (1960—1969), Беларускім дзяржаўным універсітэце (1969—1988, прафесар, загадчык кафедры марксісцка-ленінскай філасофіі Інстытута павышэння кваліфікацыі выкладчыкаў грамадскіх навук), Кафедре філасофіі НАН Беларусі (1988—1998, загадчык кафедры), Інстытуце філасофіі і права НАН Беларусі (з 1998, загадчык кафедры філасофіі).
Навуковыя інтарэсы: філасофскія праблемы прыроды і тэхнікі, тэорыі інфармацыі; удасканаленне падрыхтоўкі філасофскіх кадраў.