Медыка-прафілактычны факультэт БДМУ — структурнае падраздзяленне Беларускага дзяржаўнага медыцынскага ўніверсітэта.
Медыка-прафілактычны факультэт заснаваны ў 1991 годзе ў выніку рэарганізацыі санітарна-гігіенічнага факультэта, адкрытага ў 1964 годзе. Асноўныя спецыяльнасці, якія атрымліваюць выпускнікі гэтага факультэта — урач-гігіеніст і ўрач-эпідэміёлаг, але, акрамя гэтага, яны маюць права працаваць таксама ўрачамі-валеолагамі, урачамі-вірусолагамі, урачамі-бактэрыёлагамі, урачамі-лабарантамі, урачамі-арганізатарамі аховы здароўя, навуковымі працаўнікамі, выкладчыкамі.