Матэа Рэнцы (італ.: Matteo Renzi; нар. 11 студзеня 1975, Фларэнцыя, Таскана, Італія) — італьянскі палітык, прэм’ер-міністр Італіі (2014—2016). Перад тым мэр Фларэнцыі з 2009 года і лідар (нацыянальны сакратар) Дэмакратычнай партыі (ДП) з 2013 года. У 2004—2009 гадах быў прэзідэнтам правінцыі Фларэнцыя.
У юнацтве быў важатым скаўцкага атрада, рэдагаваў нацыянальны скаўцкі часопіс «Camminiamo Insieme». Вывучаў права ў Фларэнтыйскім універсітэце. Член Італьянскай народнай партыі з 1996 года, стаў кіраўніком яе правінцыйнай арганізацыі 1999 годзе. У 2002—2007 гадах належаў да партыі «Маргарытка: Дэмакратыя — гэта свабода». Пазней быў абраны прэзідэнтам правінцыі Фларэнцыя ў 2004 годзе, выйграўшы 58,8 % галасоў на выбарах 12 чэрвеня 2004 як кандыдат ад левацэнтрысцкай кааліцыі (стаўшы самым маладым прэзідэнтам правінцыі ў Італіі). 9 чэрвеня 2009 выйграў выбары мэра Фларэнцыі (47,6 % галасоў), у параўнанні з 32 % Джавані Галіі.
Ад 22 лютага 2014 года прэм’ер-міністр Італіі. 5 снежня 2016 Матэа Рэнцы прызнаў паражэнне на канстытуцыйным рэферэндуме і абвясціў пра сваю адстаўку.
У 1999 годзе ажаніўся з настаўніцай Ан’езэ Ландзіні, у іх трое дзяцей: сыны Франчэска і Эмануэле, дачка Эстэр.